Yanga imefanikiwa kuondoka na ushindi wa bao 1-0 dhidi ya Mwadui Fc katika mchezo wa kirafiki uliopigwa uwanja wa Azam Complex, Chamazi
Bao pekee la Yanga lilifungwa na Michael Sarpong kwenye dakika ya 81 akitumia vyema makosa yaliyofanywa na safu ya ulinzi ya Mwadui Fc pamoja na mlinda lango wao
Balaa lote lilisababishwa na mpira chonganishi uliopigwa na Carlinhos umbali wa takribani 30
Yanga haikuwa na mchezo mzuri kwenye kipindi cha kwanza. Pengine hali hiyo ilitokana na idadi kubwa ya wachezaji walioanza hawakuwa na nafasi ya kucheza mara kwa mara kwenye kikosi cha kocha wa zamani Zlatko Krmpotic
Kuingia kwa Mukoko Tomombe na Carlinhos kwenye kipindi cha pili, kulibadili taswira ya mchezo huo Yanga ikitengeneza nafasi zaidi kwenye kipindi hicho
Bado benchi la ufundi linakazi ya kutengeneza munganiko wa kikosi kwani bado changamoto katika kutengeneza mashambulizi imeonekana
Pengine uongozi wa Yanga unapaswa kuharakisha ujio wa kocha Cedric Kaze ili aweze kukiandaa kikosi chake kabla ligi haijashika kasi baada ya mapumziko ya mechi za Kimataifa
