Wanayanga tayari wamesikia taarifa kuwa Cedric Kaze raia wa Burundi ndiye anayesubiriwa kuja kuchukua mikoba iliyoachwa na Mserbia Zlatko Krmpotic. Hata hivyo bado haijaelezwa na uongozi ni lini kocha huyo atawasili
Habari njema ni kuwa Kaze anaweza kutua wikiendi hii kuanza majukumu yake ndani ya kikosi cha mabingwa hao wa kihistoria
Afisa Habari wa Yanga Hassan Bumbuli amedokeza walikuwa wakikamilisha mambo ya msingi na kocha huyo na wanatarajia anaweza kuwasili wakati wowote kuanzia wikiendi hii
Inaelezwa Kaze anafanya mawasiliano na kocha Msaidizi Juma Mwambusi, lakini pia amepata nafasi ya kuzungumza na baadhi ya wachezaji wa Yanga
Jambo jema zaidi ni kuwa Kaze hatakuwa mgeni na kikosi hiki cha Yanga kwani alishiriki katika michakato ya baadhi ya usajili wa wachezaji hasa wa kigeni kabla ya kupata udhuru mwanzo uliomfanya ashindwe kutua nchini
