Baada ya mchezo dhidi ya Simba kusogezwa mbele Novemba 07, ratiba mpya iliyotolewa na Bodi ya Ligi, inaonyesha kuwa Yanga itashuka dimbani Oktoba 22 kuikabili Polisi Tanzania mchezo ukitarajiwa kupigwa uwanja wa Benjamin Mkapa
Baada ya mchezo huo, kikosi cha Yanga kitaelekea jijini Mwanza kuweka kambi, kwani watacheza mechi tatu mkoani humo
Klabu ya KMC imechagua uwanja wa CCM Kirumba kwa ajili ya mchezo wake dhidi ya Yanga ambao utapigwa Oktoba 25
Baada ya mchezo huo, Yanga itaendelea kubaki jijini Mwanza ambapo Oktoba 30 watashuka tena CCM Kirumba kuikabili Biashara United
Mchezo wa tatu utakaopigwa kwenye uwanja wa CCM Kirumba ni dhidi ya Gwambina Fc, utapigwa Novemba 03 2020
Baadae Yanga itarejea jijini Dar es salaam kuwakabili watani zao, klabu ya Simba Novemba 07 2020
