Pamoja na ukosoaji katika mbinu zake, aliyekuwa kocha wa Yanga Zlatko Krmpotic anaweza kupongezwa kwa kuimarisha nidhamu kwenye ulinzi
Kabla ya ushindi mnono dhidi ya Coastal Union jana, kikosi cha Krmpotic kilikuwa kikipata ushindi wa kudokoa lakini nidhamu kwenye eneo la ulinzi imeonekana
Yanga imeruhusu bao moja tu katika michezo mitano, pale ilipolazimishwa sare ya bao 1-1 dhidi ya Tanzania Prisons katika mchezo wa kwanza wa msimu huu
Mabingwa hao wa kihistoria hawajuruhusu bao katika mechi zilizofuata iwe kwenye ligi na hata mechi za kirafiki
Krmpotic ameondoka huku timu yake ikiwa kileleni mwa msimamo wa ligi
Ameshinda mechi nne, sare moja huku timu ikifunga mabao saba
Ukuta wa Metacha, Yassin, Kibwana, Lamine na Mwamnyeto wakishirikiana na viungo Feisal, Mukoko na Mauya, wamefanya kazi yao ipasavyo
Lakini pia mafanikio haya yamechagizwa na usajili makini uliofanywa na GSM katika kuboresha safu ya ulinzi
Ujio wa Mwamnyeto umeimarisha maradufu eneo la ulinzi wa kati akitengeneza pacha imara sana na Lamine Moro
