Yanga imefanikiwa kuondoka na ushindi wa mabao 2-0 dhidi ya KMKM katika mchezo wa kirafiki uliopigwa uwanja wa Azam Complex, Chamazi
Mcongomani Mukoko Tomombe ameendeleza makali yake katika kupachika mabao akifunga mabao yote mawili
Bao la kwanza alilifunga kwa kichwa kwenye dakika ya 11 akimalizia kwa kichwa kona ya Carlinhos
Makosa ya safu ya ulinzi yalimpa Mukoko nafasi ya kuongeza bao la pili kwa shuti la chinichini kwenye dakika ya 31
Yanga ilitengeneza nafasi nyingi kwenye kipindi cha kwanza, bado umaliziaji ni changamoto
Katika kipindi cha pili kocha Zlatko Krmpotic alibadili kikosi alichoanza nacho
Kuingia kwa viungo Haruna Niyonzima, Feisal Salum na Zawadi Mauya kuliiwezesha Yanga kutawala eneo la kiungo lakini changamoto ilibaki katika kutengeneza nafasi za mwisho
Yanga imetumia mchezo huo kama sehemu ya maandalizi kuelekea mchezo dhidi ya Coastal Union utakaopigwa Jumamosi kwenye uwanja wa Benjamin Mkapa
