Jina la kiungo mshambuliaji Farid Mussa limekuwa likitajwa sana na mashabiki wa Yanga kila mara anapokosekana kwenye kikosi cha kwanza
Farid bado hajajihakikishia nafasi kwenye kikosi cha kocha Zlatko Krmpotic lakini mashabiki wanaamini mchezaji huyo aliyerejea nchini akitokea Hispania, anaweza kuwa na mchango mkubwa kama atapewa nafasi
Kocha wa Yanga Zlatko Krmpotic amesema winga huyo mwenye kasi bado hayuko fiti baada ya kukaa muda mrefu bila ya kucheza mpira ligi ziliposimama kutokana na janga la corona
Farid alikuwa akiitumikia klabu ya CD Tennerife inayoshiriki ligi daraja la pili nchini Hispania
Alikaa nje kwa takribani miezi mitano huko Hispania wakati nchi hiyo ilipoweka lockdown mpaka pale alipofanikiwa kusafiri kujiunga na Yanga mwezi uliopita
Mashabiki wa Yanga wanatamani Krmpotic awaanzishe pamoja Farid na Tuisila Kisinda kwani kasi yao inaweza kuziletea shida timu pinzani
Mchezaji mwingine ambaye imeelezwa bado hayuko fit ni kiungo Carlinhos ambaye naye alikaa karibu miezi sita bila ya kucheza mpira
Krmpotic amempa Carlinhos dakika chache kwenye mechi mbili zilizopita lengo likiwa kumuimarisha taratibu na kumfanya aizoee ligi ya Tanzania
