Mkurugenzi wa uwekezaji GSM Mhandisi Hersi Said amesema walihitaji alama tatu katika mchezo dhidi ya Kagera Sugar jambo ambalo wamelifanikisha
Akizungumza baada ya mchezo uliopigwa mkoani Kagera jana, Hersi amesema timu yoyote inaposhuka uwanjani kusudio la kwanza ni kushinda mengine huja baadae
"Sisi tulihitaji pointi tatu, tumezipata hayo mengine yatakuja baadae. Misimu miwili nyuma Real Madrid walitwaa ubingwa wa Ulaya dhidi ya Liverpoopl lakini hawakucheza mpira mzuri. Ilikuwa hivyo hivyo kwa Liverpool dhidi ya Tottenham, jambo muhimu hapa ni pointi tatu"
"Timu yetu bado ni mpya, kocha anaendelea kuwaunganisha wachezaji, wakati utafika kila kitu kitakuwa sawa," alisema Hersi
Baada ya ushindi huko Kagera, Yanga inarejea jijini Dar es salaam leo kuanza maandalizi kuelekea mchezo dhidi ya Mtibwa Sugar ambao utapigwa Septemba 26 mkoani Morogoro
Yanga iko kileleni mwa msimamo wa ligi ikiwa imejikusanyia alama saba, msimamo unaweza kubadilika kutegemea na matokeo ya mechi zitakazopigwa leo
