Majeraha yambakisha Shikhalo Dar

Mlinda lango Farouk Shikhalo ni miongoni mwa wachezaji waliobaki jijini Dar es salaam akisumbuliwa na majeraha

Shikhalo alipata maumivu ya nyonga kwenye mchezo wa kwanza wa ligi dhidi ya Tanzania Prisons uliopigwa mapema mwezi huu jijini Dar es salaam

Mkenya huyo ameungana na kiungo Mapinduzi Balama katika orodha ya wachezaji majeruhi

Aidha nyota wengine ambao hawakusafiri na timu Bukoba ni Juma Mahadhi, Paulo Godfrey, Abdulaziz Makame, Waziri Junior na Abdallah Shaibu 'Ninja'

Yanga itashuka uwanja wa Kaitaba kesho Jumamosi, kuwakabili wenyeji wao Kagera Sugar katika mchezo wa ligi kuu ya Vodacom raundi ya tatu