Kocha Mkuu wa Yanga Zlatko Kmpotic amesema bado timu yake haijafikia pale inapostahili licha kuonekana kuimarika
Jana Yanga licheza mchezo wa kirafiki dhidi ya Mlandege na kuibuka na ushindi wa mabao 2-0 yaliyofungwa na Waziri Junior na Mukoko Tonombe
Katika mchezo huo Yanga ilicheza kandanda safi lakini bado changamoto ilionekana kwenye eneo la ushambuliaji kosakosa zlikuwa nyingi
Krmpotic amesema bado haridhishwi na idadi ya mabao ambayo timu yake inafunga ukilinganisha na nafasi wanazotengeneza
"Tumecheza vizuri lakini bado ipo changamoto kwenye eneo la umaliziaji. Nafasi tunatengeneza lakini matumizi yamekuwa hafifu. Kama kocha siridhishwi na hali hii, tunapaswa kurekebisha makosa haya," alisema Krmpotic ambaye leo kikosi chake kimetua Bukoba tayari kuwakabili Kagera Sugar siku ya Jumamosi
Hata hivyo Mserbia huyo amesema anaamini safu yake ya ushambuliaji itakuwa sawa kwani baadhi ya wachezaji walikaa nje muda mrefu bila ya kucheza mpira tangu ligi zilipofutwa kutokana na changamoto ya corona
Yacouba Songne, Carlinhos na Michael Sarpong wote ligi walizokuwa wakicheza zilisimama tangu mwezi March na baadae kufutwa, hivyo walipotua Yanga hawakuwa fiti
Yanga jioni ya leo inafanya mazoezi yake ya kwanza Bukoba kujiandaa na mchezo dhidi ya Kagera Sugar
