Kikosi cha Yanga kimeondoka na ushindi wa mabao 2-0 dhidi ya Mlendege Fc katika mchezo wa kirafiki uliopigwa uwanja wa Azam Complex, Chamazi
Ulikuwa ni mchezo ambao Yanga ingeweza kuondoka na ushindi mnono zaidi kama safu ya ushambuliaji ingeongeza umakini
Kwenye kipindi cha kwanza, kocha Zlatko Krmpotic alitumia kikosi tofauti akiwapa nafasi Waziri Junior, Said Juma Makapu, Abdulaziz Makame, Adeyum Saleh na wengine ambao hawaonekani mara kwa mara kwenye kikosi cha kwanza
Bao la kwanza la Yanga lilifungwa na Junior kwa mkwaju wa penati baada ya mlinzi wa Mlandege kuunawa mpira ndani ya eneo la hatari
Kipindi cha pili Krmpotic alibadili kikosi kizima, akiwaingiza nyota wote wa kikosi cha kwanza
Yanga iliendelea kutawala mchezo katika kipindi hicho wakifunga bao la pili kupitia kwa Tonombe Mukoko aliyepiga shuti kali nje ya 18
Mukoko na Zawadi Mauya walin'gara kwenye safu ya kiungo katika kipindi cha pili pengine Krmpotic huenda akawatumia pamoja mchezo dhidi ya Kagera Sugar siku ya Jumamosi
Kikosi cha Yanga kinatarajiwa kuondoka kesho Alhamisi kuelekea mkoani Kagera tayari kwa mchezo dhidi ya Kagera Sugar
