Mshauri wa Yanga Senzo Mazingisa amesifu mfumo wa uongozi wa ushirikiano Yanga huku akibainisha kuwa anafuraha kufanya kazi na mabingwa hao wa kihistoria kuliko huko alikotoka
Senzo amesema Wanayanga wanafanya kazi pamoja kuanzia Mwenyekiti, viongozi wa Kamati, Wadhamini, Wanachama na hata mashabiki na kuwa maamuzi yanayoyofikiwa katika masuala mbalimbali ni matokeo ya ushirikiano wa pande zote
"Jambo kubwa ambalo naliheshimu hapa Yanga ni kuwa timu hii sio ya mtu mmoja. Yanga inaongozwa kwa ushirikiano wa watu tofauti. Kuna Mwenyekiti, Wajumbe wa kamati pamoja na Wadhamini, Wanachama na hata mashabiki"
"Maamuzi yoyote hutokana na majadiliano ya pende zote na ndio maana hata tulipoamua kuhamia Kigamboni 'Avic Town' uamuzi ulichukuliwa baada majadiliano na kuona kuna umuhimu wa timu yetu kuweka kambi kwenye mazingira mazuri kwa ajili ya maandalizi bora"
"Unajuwa kuwa na timu nzuri haitoshi kufanya maandalizi ya uwanjani pekee, kuna mambo ya msingi ambayo inapaswa yafanyike nje ya uwanja. Kimsingi, nimeridhishwa na utaratibu huu tunaoenda nao," alisema Senzo
Senzo aliachana nafasi ya Utendaji Mkuu wa Simba (CEO) na kujiunga na Yanga, akiwa chini ya GSM akipewa majukumu ya ushauri wa uongozi pamoja na kusimamia mchakato wa Mabadiliko ya mfumo wa Uendeshaji Yanga akiwa mshauri mkuu
