Mkurugenzi wa Uwekezaji GSM Mhandisi Hersi Said amesema shehena ya kwanza ya jezi takribani 8,000 imemalizika na tayari wamepokea shehena nyingine ya jezi 8,000
Injinia Hersi amewashukuru mashabiki wa Yanga kwa kuchangamkia jezi hizo huku akiwataka waendelee kununua jezi halisi kutoka maduka ya GSM na pale klabu ya Yanga
Amesema shuhena kubwa zaidi ya jezi itaingia karibuni, hivyo mashabiki wasiwe na wasiwasi
"Mwanzo tulileta jezi 8,000 ambazo zilikuja kwa usafiri wa ndege. Shehena nyingine ya jezi 8,000 imewasili , tunawashukuru Wanayanga kwa kuchangamkia jezi hizo, tunawahakikishia shehena kubwa zaidi ya jezi itawasili karibuni," alisema
Kwa wale wa mikoani ambao walikosa jezi za kwanza, GSM wamepanga kusambaza jezi hizi za awamu ya pili nchi nzima
Aidha Hersi amesema, wameanza utaratibu wa kutengeneza jezi zenye majina ya wachezaji ambazo watazitoa kwa oda maalum
"Tutatengeneza jezi zenye majina ya wachezaji wetu, hizi tutazitengeneza kulingana na oda tutakazopewa"
