Yanga imefanikiwa kuondoka na alama zote tatu uwanja wa Benjamin Mkapa baada ya kuichapa Mbeya City bao 1-0 katika mchezo mkali
Tofauti na ilivyokuwa ikitarajiwa, Mbeya City walikuja kushindana na Yanga, na hakika walitoa upinzani mkali
Shukrani kwa Carlinhos Carmo na Lamine Moro, mpira wa kona wa Carlinhos ulitua kichwani kwa Moro na kuiandikia Yanga bao hilo pekee kwenye dakika ya 87
Kocha wa Mbeya City Amri Said alitumia mfumo wa kujihami kwa muda mwingi huku akitumia mashambulizi ya kushitukiza
Yanga ilimiliki mpira kwa muda mwingi hasa kwenye kipindi cha pili lakini changamoto kubwa ilikuwa kuipenya safu ya ulinzi ya Mbeya City
Kuingia kwa Carlinhos kuliongeza faida kwa Yanga hasa kupitia mipira iliyokufa
Carlinhos amedhihirisha yeye ni fundi kwelikweli wa kutumia mguu wake wa kulia kwenye mipira ya adhabu
Ni mchezo ambao Yanga ilihitaji ushindi, muhimu, ushindi umepatikana
Hata hivyo bado kocha Zlatko Krmpotic ana kazi ya kutengeneza muunganiko wa kikosi chake hasa kwenye eneo la ushambuliaji
Timu imekuwa ikicheza vizuri kuanzia nyuma mpaka sehemu ya kiungo, eneo la ushambuliaji Mserbia huyo anahitaji kuboresha
