Mapema tu mshambuliaji mpya wa Yanga Michael Sarpong ameonyesha thamani yake ndani ya kikosi akipachika mabao mawili kutoka mechi mbili alizocheza
Bao lake la kwanza alilifunga kwenye kilele cha wiki ya Mwananchi dhidi ya Aigle Noir na wiki iliyopita katika mchezo wa kwanza wa ligi dhidi ya Tanzania Prisons, akafungua akaunti yake ya mabao msimu huu
Kesho Jumapili Yanga wanashuka uwanja wa Mkapa kwa mara nyingine kuikabili Mbeya City, mechi hii inaweza kuwa shoo nyingine kwa Mghana huyo
Sarpong ni mshambuliaji aliyekamilika, anafunga kutoka kila upande, iwe kwa mguu au kichwa
Tayari ameonyesha ni mshambuliaji ambaye hakabiki kwa urahisi, lakini pia anafahamu kujitengeneza nafasi aweze kufunga
Sarpong amejiwekea malengo ya kufunga angalau mabao 20 msimu huu
Kama ataendelea na mwenendo alioanza nao wa kutupia bao kila mechi, hakuna shaka atafanikiwa
