Wakati uongozi wa klabu ya Yanga ukiendelea na mchakato wa Mabadiliko ya mfumo wa Uendeshaji wa klabu hiyo, Mfanyabiashara Rostam Aziz ambaye anaidhamini Yanga kupitia kampuni yake ya Taifa Gas, ameonyesha nia ya kutaka kuwa Mwanahisa wa mabingwa hao wa kihistoria
Kulingana na Mwongozo wa Serikali, kama Yanga itafuata mfumo wa hisa, asilimia 49 zitagawiwa kwa Wawekezaji wasiopungua watatu wakati asilimia 51 zitabaki mikononi mwa Wanachama
Imeelezwa kuwa Roastam amefanya mazungumzo na uongozi Yanga ambapo amebainisha kuwa yuko tayari kuwekeza kwa kitita cha Tsh Bilioni 30 kununua hisa asilimia 29
Aidha, amebainisha kuwa kuwa asilimia 20 zitakazokuwa zimebaki zinaweza kuchukuliwa na Wawekezaji wengine wasiopungua wawili kwa mauzo yasiyopungua Tsh Bilioni 20 na hivyo hisa zote kuuzwa kwa wastani wa Tsh Bilioni 50
Inaelezwa pia Mnyabiashara huyo yuko tayari kuchukua jukumu la kujenga uwanja wa klabu ya Yanga kule Kigamboni katika eneo la ekari saba ambalo lilikabidhiwa na aliyekuwa Mkuu wa Mkoa wa Dar es salaam Paul Makonda mwaka uliopita
Kama hili litakamilishwa, litaifanya klabu ya Yanga kuwa ghali zaidi kwenye ukanda huu wa Afrika Mashariki na Kati
