Rais wa Chama cha Wachezaji nchini Angola Igor Nascimento ameishauri klabu ya Yanga isiharakishe kumtumia kiungo fundi Carlinhos kwani anahitaji muda aweze kuwa fiti pamoja na kuzoea mazingira ya Tanzania
Carlinhos alijiunga na Yanga mwishoni mwa mwezi uliopita akiwa hajacheza mechi yoyote kwa takribani mezi mitano
Ligi ya Angola ilisitishwa tangu mwezi wa tatu kutokana na changamoto ya ugonjwa wa Corona
Nascimento amesema umuhimu wa Carlinhos ndani ya kikosi cha Yanga utaanza kuonekana pale atakapotumika ndani ya wakati sahihi
"Ligi Kuu ya Angola imesimama kwa takribani miezi sita. Benchi la ufundi linapaswa kumuandaa kwanza awe fiti kabla ya kumtumia. Ni kijana mdogo, anahitaji muda wa kuzoea mazingira pia," alisema
Carlinhos anaendelea na program za mazoezi chini ya kocha Zlatko Krmpotic, pia anapewa mafunzo maalum ya lugha
