Mchezo wa kwanza ligi kuu ya Vodacom msimu huu 2020/21 kati ya Yanga dhidi ya Tanzania Prisons ambao umepigwa uwanja wa Mkapa, umemalizika kwa sare ya bao 1-1
Bao la mapema walilopata Tanzania Prisons kupitia kwa Lambert Sabiyanka lilivuruga mpango wa mchezo wa mabingwa hao wa kihistoria ambao hata hivyo walirejea mchezoni kwenye dakika ya 19 kupitia kwa Michael Sarpong
Ulikuwa mchezo ambao Yanga watajilaumu wenyewe kwa kushindwa kuibuka na ushindi kutokana na idadi ya nafasi walizotengeneza
Aidha ni kama kocha Zlatko Krmpotic alipiga mahesabu yake vibaya kwani kikosi alichoanza nacho kililalamikiwa na mashabiki ambapo wakati wa mapumziko alilazimika kuwaingiza Tuisila Kisinda na Yacouba Songne kuchukua nafasi ya Deus Kaseke na Farid Mussa
Kuingia kwa Kisinda kuliongeza kasi ya mashambulizi ya Yanga ambapo winga huyo mwenye kasi alikosa nafasi mbili za wazi
Pamoja na kukosa ushindi leo, kikosi cha Yanga kimeonyesha utofauti mkubwa katika uchezaji wake, lipo jambo mashabiki watalishuhudia msimu huu kutoka kwa Yanga
Kwani licha ya wachezaji kuwa na muda mchache na kocha Krmpotic, lakini timu inaonyesha kuimarika wakicheza kandanda safi linaloeleweka
Hii ni Yanga tofauti kabisa, kandanda safi inaonekana, kazi iliyobaki ni kwa benchi la ufundi kuhakikisha wanapata kikosi cha ushindi mapema
