Maandalizi yanaendelea Kigamboni

Kikosi cha Yanga kinaendelea na maandalizi yake ya mwisho mwisho kuelekea mchezo wa kwanza wa ligi kuu msimu wa 2020/21 dhidi ya Tanzania Prisons

Mchezo huo utapigwa keshokutwa Jumapili, saa moja jioni katika uwanja wa Benjamin Mkapa

Mabingwa hao wa kihistoria wanaendelea kuweka mambo sawa, tayari kuwapa furaha mashabiki wao ambao msimu huu wanahitaji kushangilia ubingwa wa ligi kuu

Mkufunzi wa Yanga Zlatko Krmpotic leo ameingia siku ya tano tangu aanze kuwanoa Wanajangwani hao

Tayari kuna kitu kimeanza kuonekana katika kikosi chake, kipimo cha kwanza ni mchezo dhidi ya Prisons keshokutwa