Tunapozungumzia mabadiliko ndio haya sasa! Klabu ya Yanga imeanza mchakato wa kujenga Studio yake ambayo itatumika kuandaa vipindi vyake vinavyorushwa kupitia Chanel ya Yanga TV YouTube pamoja na Azam TV
Taarifa zilizopatikana mapema leo, zimebainisha kuwa, ujenzi wa Studio hiyo ya kisasa tayari umeshaanza ambapo uzinduzi wake utafanyika mapema mwakani
Aidha mabingwa hao wa kihistoria kuanzia mwakani watakuwa na chaneli yao maalum ambayo itarusha vipindi vya Yanga muda wote
Haya ni mapinduzi makubwa yanayokwenda kutokea sambamba na mabadiliko ya mfumo wa uendeshaji wa klabu ya Yanga
Kwa wale waliokuwa wanabeza ushirikikiano wa La Liga, Sevilla na Yanga katika kufanikisha mchakato wa Mabadiliko ya Mfumo wa Uendeshaji Yanga, wajiandae kwani watakosa pa kuweka sura zao pale mchakato wote utakapokamilika katika kipindi cha miaka miwili
