Uongozi wa klabu ya Yanga umesema kuwa wamekamilisha taratibu za kupata vibali vya kufanya kazi nchini nyota wake wote wa kigeni hivyo wanategemea watawatumia kwenye mchezo wa kwanza wa ligi kuu dhidi ya Tanzania Prisons ambao utapigwa Jumapili ijayo, uwanja wa Mkapa
Afisa Habari wa Yanga Hassan Bumbuli amesema wachezaji hao wataitumikia Yanga Jumapili
"Utaratibu wa kupata vibali kwa wachezaji wetu wa kigeni pamoja na benchi la ufundi umekamilika kwa asimilia kubwa. Tunategemea kuwatumia wote katika mchezo wa wetu wa kwanza wa ligi dhidi ya Tanzania Prisons siku ya Jumapili," alisema Bumbuli
Jana Serikali iliviagiza vilabu vyote vilivyosajili nyota wa kigeni kuwasilisha vibali vyao Uhamiaji huku ikisisitiza kuwa hakuna timu inaruhusiwa kumtumia mchezaji wa kigeni kama hana kibali cha kufanya kazi nchini
Yanga imeongeza nyota watano wa kigeni ambao wanapaswa kukatiwa vibali hivyo
Nyota hao ni winga Tuisila Kisinda, viungo Mukoko Tonombe, Carlinhos na washambuliaji Michael Sarpong na Yacouba Songne
Pia kocha Zlatko Krmpotic nae atahitaji kuwa na kibali ili aweze kuruhusiwa kukaa kwenye benchi la mabingwa hao wa kihistoria
