Mwaka jana klabu ya Yanga iliendesha tukio kubwa la hamasa lililofahamika kama KUBWA KULIKO lililokuwa maalum kwa ajili mashabiki na wanachama wa klabu ya Yanga kuichangia timu yao
Ajenda kubwa ya tukio hilo lilikuwa kukusanya fedha kwa ajili ya usajili wa msimu uliopita
Msimu huu Yanga inatarajiwa kuandaa tukio hilo kwa mara nyingine lakini safari hii kukiwa na ajenda tofauti
Afisa Mhamasishaji na Msemaji wa Yanga Antonio Nugaz amesema ajenda ya tukio la Mwaka huu ni kukusanya fedha kwa ajili ya Ujenzi wa uwanja Kigamboni
Nugaz amewataka Wanachama na Mashabiki wa Yanga wakae tayari kuchangia zoezi hilo ili kuhakikisha timu inakuwa na uwanja wake kabla ya msimu huu kumalizika
"Tutaandaa KUBWA KULIKO ya kihistoria zaidi ya ile tuliyofanya mwaka jana. Safari hii tutafanya kukusanya fedha kwa ajili ya ujenzi wa uwanja wetu kule Kigamboni. Wanayanga wakae tayari kuichangia timu ili tutimize malengo yetu ya kumiliki uwanja mkubwa wa kisasa kule Kigamboni," alisema Nugaz
Wataalam tayari wamebuni mchoro wa uwanja wa Yanga Kigamboni ambapo mabingwa hao wa kihistoria watakuwa na viwanja viwili, Hostel na Academy ya Watoto, Gym pamoja na mahitaji mengine
