Ngasa aibukia Ndanda Fc

Winga Mrisho Ngasa amejiunga na klabu ya Ndanda Fc ambayo msimu ujao itashiriki ligi daraja la kwanza

Baada ya kutemwa kwenye kikosi cha Yanga, Ngasa ataunga na 'swahiba' wake Gerson Tegete kuitumikia timu hiyo iliyopania kurejea ligi kuu

Ngasa ni mmoja wa wachezaji waliokuwa wakikubalika sana na mashabiki wa Yanga, na hata alipoachwa wengi walitoa maoni arejeshwe kikosini

Hata hivyo uongozi wa Yanga ulisisitiza kuwa hatua walizochukua zilikuwa muhimu katika kukiimarisha kikosi cha mabingwa hao wa kihistoria

Juma Abdul na Kelvin Yondani ni wachezaji wengine ambao pia walikuwa wakikubalika sana na mashabiki lakini panga liliwapitia

Tunawatakia kila la kheri miamba hawa katika maisha yao ya soka nje ya Yanga