Kiungo Feisal Salum 'Fei Toto' jana aliwapa furaha mashabiki wa Yanga baada ya kuionyesha kiwango kikubwa kwenye mchezo wa kirafiki dhidi ya Aigle Noir maalum kuhitimisha wiki ya Mwananchi
Akicheza kiungo pacha na Mkongomani Mukoko Tonombe, Feisal alikuwa huru kuchezesha timu, pasi yake mpenyezo ilitendewa haki na Tuisila Kisinda aliyeifungia Yanga bao la kwanza
Huyu ndio Fei Toto aliyejiunga na Yanga akitokea visiwani Zanzibar misimu miwili iliyopita
Kocha wa zamani wa timu ya Taifa ya Tanzania Emmanuel Amunike, aliwahi kueleza kushangazwa kwa nini kiungo huyo mpaka sasa bado yuko nchini
Alisema Fei Toto anaweza kucheza hata kwenye kikosi cha timu kama FC Barcelona
Hakika maneno ya Amunike yana ukweli ndani yake, kama ataendeleza moto huu alioanza nao, Fei Toto hatamaliza msimu akiwa ndani ya kikosi cha Yanga
Huyu atailetea Yanga 'mapesa' ya kigeni. Habari njema Yanga wameliona hilo ndio maana wakampa mkataba wa miaka minne
