Kocha Msaidizi wa Yanga Juma Mwambusi amepongeza usajili uliofanywa na GSM akionyesha kuvutiwa na uwezo wa wachezaji waliosajili msimu huu
Mwambusi amepewa mkataba wa miaka miwili ambapo wakati huu amekabidhiwa majukumu ya kukinoa kikosi cha Yanga wakati akisubiriwa kocha mkuu
Kocha huyo wa zamani wa Mbeya City ameeleza kuridhishwa na mwenendo wa kikosi chake
"Tuna program maalum ya mazoezi, ambapo kuna wachezaji wa zamani ambao tayari wamefanya mazoezi pamoja na Mwalimu wa viungo ana ripoti yao.
"Pia kuna wachezaji wageni waliofika karibuni na wengine wanaoendelea kuwasili. Tunawaandaa tofauti lakini mwishowe hawa wageni wawe sawa na wenzao.
"Nawapongeza sana GSM kwa kuleta wachezaji ambao wako very skilled na compitent. Wengi ni wachezaji wa kimataifa hivyo kiufundi wapo safi sana, kwa muda uliobaki nahakikisha wanakuwa na chemistry nzuri tayari kwa mashindano na kutupatia matokeo mazuri," alisema Mwambusi
Jukumu lake la kwanza ni kuhakikisha anaiweka timu sawa tayari kwa mchezo wa kilele cha wiki ya Mwananchi utakaopigwa Jumapili, August 30 dhidi ya Aigle Noir
