Taarifa mpya ni kuwa beki mkongwe Kelvin Yondani anaweza kurejeshwa kikosini baada ya kuanza mazungumzo mpya na uongozi wa Yanga
Yondani na Juma Abdul walikuwa katika mpango wa kikosi cha Yanga kuelekea msimu ujao hata hivyo wachezaji hao waligomea ofa walizopewa awali na hivyo kuruhusiwa wakatafute changamoto mahali pengine
Inaelezwa Yondani amefungua mazungumzo mapya na mabosi wa Yanga hivyo upo uwezekano anaweza kurejeshwa kundini
Bado siku nane tu dirisha la usajili linafungwa, na inavyoonekana wakongwe hao hawajapata ofa nono zaidi ya zile walizokuwa wamepewa na Yanga
Mcongomani Papy Tshishimbi nae inaelezwa aliwaangukia viongozi wa Yanga akiwa tayari kusaini mkataba aliokuwa amepewa awali
Hata hivyo ujio wa Mukoko Tonombe umefuta rasmi uwezekano wa nahodha huyo wa zamani kufikiriwa upya
Tshishimbi tayari ameondoka nchini kurejea kwao Congo, baada ya kutoswa ma klabu ya Simba aliyokuwa akiitumia kutaka dau kubwa Yanga
