Aliyekuwa Mtendaji Mkuu wa Simba Senzo Mazingisa amewasili leo kutoka UAE tayari kuanza majukumu yake ndani ya uongozi wa Yanga
Baada ya kutua nchini, Senzo amesema yuko tayari kuhudumu akiwa mwajiriwa wa Yanga huku akiwaomba radhi mashabiki wa Simba ambao hawakufurahishwa na uamuzi aliouchukua wa kujiunga na Yanga
"Namshukuru Mungu nimewasili salama nchini Tanzania, nikiwa tayari kuanza majukumu yangu! awamu hii nikiwa mwaajiriwa wa Yanga SC.
"Kuna jambo acha nitolee ufafanuzi, nimeondoka Simba SC baada ya kuona tunaenda njia tofauti, hata kama isingekuwa Yanga SC pia ningeondoka vilevile. Naiheshimu sana taaluma yangu kwa maana mpira ndio kazi yangu ndio maana ikanibidi nikae pembeni"
"Najisikia vibaya sana kwa mashabiki wa Simba SC walionipenda na kuweka imani kubwa sana kwangu, naomba wanisamehe na wajue kuwa sikudhamiria kuwafedhehesha ama kuwaumiza bali ni sehemu ya maisha"
"Ntaitumikia klabu yangu ya Yanga SC na kuhakikisha tunafikia malengo yetu," alisema
