Aliyewahi kuwa kocha wa Yanga Mwinyi Zahera, ameipongeza klabu hiyo kwa kufanikiwa kumnasa winga machachari kutoka AS Vita Tuisila Kisinda
Zahera ambaye kwa sasa ni Mkurugenzi wa Ufundi wa klabu ya Gwambina Fc iliyopanda daraja msimu huu, amesema ujio wa nyota huyo kwenye kikosi cha Yanga utawapa faida nyingi
Zahera amesema kwa maoni yake, kuondoka kwa winga Bernard Morrison na kujiunga na Simba hakuwezi kuwa tatizo tena kwa Yanga kwani wamesajili mchezaji bora zaidi
"Huyu Tuisila ni mchezaji mzuri sana, ni zaidi ya Morrison. Huyu ni mchezaji anayeweza kufanya kazi zaidi ya moja uwanjani, anafunga, anapiga chenga lakini pia ni mzuri sana kwenye mipira ya vichwa"
"Nadhani ni moja ya sajili bora ambayo Yanga imefanya mpaka sasa,"alisema Zahera
Usajili wa Tuisila umekuwa saprise kwa wengi kwani kinda huyu alikuwa mmoja wa wachezaji wa kutegemewa katika kikosi cha kwanza cha AS Vita
Anakuja Yanga kuendeleza moto aliokuwa nao kule AS Vita
Simba watakuwa wakimkumbuka vizuri mwamba huyu kwani katika kile kipigo cha mabao 5-0, walichofungwa kwenye michuano ya ligi ya mabingwa mwaka juzi, Tuisila alikuwa mmoja wa wafungaji wa mabao ya AS Vita lakini pia alitengeneza bao moja pia akichaguliwa kuwa nyota wa mchezo ule
Kisinda na kiungo Mukoko Tonombe wanatarajiwa kuwasili jijini Dar es salaam kesho Alhamisi, saa saba mchana
