Pichani juu ni Mkurugenzi wa Uwekezaji GSM Mhandisi Hersi Said ambaye ni Makamu Mwenyekiti wa Kamati ya Mashindano Yanga, akiwa na Rais wa klabu ya AS Vita Mwanamama Bestine Kazadi
Injinia Hersi alikutana mezani na Bosi huyo wa AS Vita kukamilisha usajili wa wachezaji wawili tegemeo wa miamba hao wa soka kule DR Congo
Hapa tunawazungumzia kiungo mkabaji Tonombe Mukoko na Winga Tuisila Kisinda ambao tayari ni wachezaji halali wa Yanga
Hili lilikuwa jambo ambalo hata mashabiki wa Yanga wenyewe walikuwa hawaamini kama linaweza kutokea
Na ndio maana lawama zilikuwa nyngi kwenye mitandao ya kijamii kabla ya usajili wa nyota hao kukamilishwa
Hii ndio njia sahihi ya mafanikio ambayo Yanga na GSM wameichagua kupita
Safari ilianza pale walipoingia makubaliano na La Liga kusimamia mchakato wa Mabadiliko ya mfumo wa uendeshaji wa mabingwa hao wa kihistoria
Ni njia yenye gharama kubwa lakini ndio njia sahihi, mafanikio ya kweli hayaji kwa ujanja ujanja
Ili tuweze kufika tunapopataka tunahitaji uongozi bora, benchi bora la ufundi na wachezaji wa kiwango cha juu
Kwa mwenendo huu naiona Yanga inayoingia taratibu kwenye kundi la vilabu kama TP Mazembe, Al Ahly, Zamalek, Mamelodi Sundowns, Wydad, Esperance, yaani vilabu vigogo barani Afrika ambao kila mwaka malengo yao ni kuwa mabingwa wa Afrika
