Wakati wakiweka wazi mkakati wa usajili, GSM walisema watakwenda kusajili wachezaji wa ndani daraja A na wachezaji wa nje wa daraja la juu na wakikosa angalau wa daraja B
Na wakasisitiza watatumia pesa kuwapata wachezaji hao, hilo limetimia kwa usajili wa nyota wawili kutoka AS Vita Tusila Kisinda na kiungo Mukoko Tonombe
Yanga ilihitaji winga mwenye kasi, kwa waliomfuatili Kisinda wanafahamu balaa lake
Akiwa na umri wa miaka 20 tu, Kisinda alijihakikishia nafasi kwenye kikosi cha kwanza cha AS Vita
Dogo ana kasi ya kimbunga, sijui wale waliosajili wachezaji wanaosubiri pensheni watammudu vipi kinda huyu
Lakini pia, Kisinda atacheza upande mmoja wa winga na ule upande mwingine atakuwepo Farid Mussa!
Mukoko ni kiungo mkabaji, huyu ni sawa na Tshishimbi wawili, tena Tshishimbi yule wa mwaka 2017 sio huyu aliyeachwa
Bado Injinia Hersi hajamaliza kufanya yake, kwani inaelezwa akitoka DR Congo anaelekea Afrika Kusini kumfuata kiungo mwingine fundi
Lakini ukiachana na Yacouba Sogne anayesubiri kutua, upo mpango wa kumsajili mshambuliaji mwingine wa daraja la juu
Hakuna shaka, furaha inarejea Jangwani...!
