Kuelekea kilele cha wiki ya Mwananchi ambayo itazinduliwa kule mkoani Dodoma August 22 2020, wadhamini wa klabu ya Yanga GSM ambao ndio watengenezaji na wasambazaji wa jezi rasmi za klabu hiyo, wametamba kuja na uzi ambao utakuwa gumzo na bora zaidi ya uzi wa msimu uliopita
Jana klabu ya Simba ilitambulisha jezi zake ambazo huko mitandaoni ukosoaji umekuwa mkubwa kuwa tofauti pekee ya jezi hizo na zile za msimu uliopita, ni nembo tu, haitakuwa hivyo kwa GSM
Mkurugenzi wa uwekezaji GSM Mhandisi Hersi Said amewataka Wanayanga wakae tayari kupokea uzi ambao wataufurahia
Kwa mujibu wa takwimu, Yanga ndio klabu iliyofanya vizuri zaidi kwenye mauzo ya jezi msimu uliopita
Jezi za Yanga zilipata mapokezi makubwa, shehena ya kwanza ilimalizika katika kipindi cha siku tatu tu
Pengine hii ndio changamoto ambayo GSM wanapaswa kuifanyia kazi msimu huu, kuleta mzigo wa kutosha ambao unaweza kudumu hata angalau mwezi mmoja baada ya uzinduzi
Uzinduzi wa jezi za msimu upya unatarajiwa kufanyika mapema kabla ya siku ya kilele cha wiki ya Mwananchi ambayo tarehe yake bado haijawekwa wazi
