Kuanzia kesho Jumamosi, August 15 Yanga inatarajiwa kuanza kuwapokea nyota wake wa kigeni ambao wamekwama katika nchi zao kutokana na changamoto ya usafiri wa anga
Mapema wiki hii, Mkurugenzi wa Uwekezaji GSM Mhandisi Hersi Said aliwahakikishia Wanayanga kuwa tayari wamekamilisha usajili wa nyota wa kigeni changamoto iliyokuwepo ni baadhi ya nchi hazijafungua usafiri wa anga kutokana na changamoto ya corona
Miongoni mwa wachezaji waliokwama ni pamoja na mshambuliaji Yacouba Sogne ambaye yuko kwao Burkina Faso
Sogne alipaswa kuwasili nchini mwanzoni mwa wiki hii
Lakin pia inaelezwa wapo wachezaji kutoka DR Congo, ambao ujio wao utafanywa 'suprise' kwa mashabiki
Ligi itaanza Septemba 06, hivyo ni wazi uongozi wa Yanga umelazimika kutafuta namna ya kuwapata nyota hao ili wawahi maandalizi
Aidha bado hatma ya kocha mkuu nayo inasubiri kuwekwa wazi, pengine mwishoni mwa wiki hii suala hilo nalo litakamilishwa
