Baada ya danadana za siku mbili, hukumu ya shauri la Mkataba wa Bernard Morrison na klabu ya Yanga, itasomwa leo saa saba mchana
Jana Mwenyekiti wa Kamati ya Sheria na Hadhi za Wachezaji Elias Mwanjala aliwahakikishia Wanahabari kuwa hukumu ya shauri hilo itasomwa leo mchana
Mapema leo Yanga pamoja na Morrison walitakiwa kuwasilisha baadhi ya nyaraka ambazo zilikosekana siku ya jana
Wajumbe wa Kamati hiyo walitarajiwa kukutana Makao Makuu ya TFF kuanzia saa nne asubuhi kuhitimisha shauri hilo
Uongozi wa klabu ya Yanga umewataka mashabiki wake wawe watulivu, wasubiri hukumu hiyo
Aidha Afisa Habari wa Yanga Hassan Bumbuli amewataka viongozi wa klabu ya Simba waache kuingilia majukumu ya Kamati kwani kesi hiyo haiwahusu, ni kati ya Morrison na Yanga. Shauri litakalowahusu wao bado halijaanza kusikilizwa
