Kesho Jumatatu, August 10 2020 kikosi cha mabingwa wa kihistoria Tanzania, Yanga kinatarajiwa kuanza mazoezi kwa ajili ya maandalizi ya ligi kuu ya Vodacom msimu wa 2020/21
Kikosi kitakachoanza mazoezi kesho, kitawajumuisha wachezaji 15, walionusurika na panga kali lililopitishwa pamoja na nyota watano wapya
Aidha wachezaji wapya wa kigeni wanatarajiwa kuanza kutua wiki inayoanza kesho
Taarifa iliyotolewa na Yanga mapema, ilibainisha kuwa kuna nyota sita wa kigeni waliosajiliwa, wamechelewa kutokana na changamoto ya usafiri wa anga kwenye nchi zao sababu ya corona
Hata hivyo imeelezwa mpaka kufikia August 15, wachezaji wote watakuwa wamewasili
Lakini pia bado Wanayanga wanasubiri kutangazwa kwa Kocha Mkuu ambapo anaweza kuwekwa hadharani wakati wowote
