Uongozi wa klabu ya Yanga umesema tayari umekamilisha usajili wa nyota sita wa kigeni
Akizungumza na wanahabari jana kwenye hafla ya utolewaji tuzo za VPL kwa msimu wa 2019/20, Kaimu Katibu Mkuu wa Yanga Simon Patrick alisema kwa sasa wanakamilisha usajili wa nyota wa ndani kwani kwa wale wa kigeni walishamaliza
"Tumesajili wachezaji sita wa kigeni, hawa wanasubiri muda ufike waweze kuja nchini. Kwa sasa tunakamilisha usajili wa wachezaji wa ndani," alisema Mwanasheria huyo msomi
Katika hatua nyingine, Simon amesema Yanga ilishafunga mjadala kuhusu winga Bernard Morrison na wanasubiri maamuzi ya TFF kuhusu mashauri yanayomuhusu mchezaji huyo
"Sisi tulishasema, kama yeye Morrison anasema ni mchezaji huru, na aende akajiunge na timu yoyote, wala hakuna haja ya kuwepo mazungumzo mengi. Sisi tunasubiri maamuzi ya TFF ambao wametuita Jumatatu kwa ajili ya kutoa hukumu kuhusu suala lake"
