Baada ya kutangaza kuwaacha wakongwe Kelvin Yondani na Juma Abdul, wachezaji hao watapewa heshima ya kuagwa kwenye tukio la kilele cha wiki ya Mwananchi ambalo litafanyika baadae mwezi huu
Yondani na Abdul walikuwa wachezaji waandamizi zaidi kwenye kikosi cha Yanga, wakiwa sehemu ya timu katika kipindi cha zaidi ya misimu mitano mfululizo
Yondani alita Yanga mwaka 2012 akitokea klabu ya Simba wakati Abdul alitua mwaka mmoja baadae akitokea Mtibwa Sugar
Afisa Habari wa Yanga Hassan Bumbuli alisema Yanga inathamini mchango wao hivyo watapewa nafasi ya kuwaaga mashabiki kama walivyofanya kwa mkongwe Nadir Haroub 'Cannavaro' alipostaafu misimu miwili nyuma
Yanga ilikuwa na nia ya kuwaongezea mikataba hata hivyo mazungumzo ya mkataba mipya yalikwama baada ya wachezaji hao kugomea ofa waliyopewa
