Baada ya utambulisho wa usajili wa wachezaji wanne wa ndani, mashabiki wa Yanga wamekuwa na shauku ya kutaka kuwafahamu nyota wa kigeni waliosajiliwa na timu hiyo
Hata hivyo huenda watalazimika kusubiri mpaka wiki ijayo kutokana na changamoto ya usafiri wa anga katika baadhi ya nchi ambazo wachezaji hao wanatoka
Mkurugenzi wa Uwekezaji GSM Mhandisi Hersi Said amewahakikishia Wanajangwani kuwa wameshakamilisha usajili wa nyota wote wa kigeni lakini sababu ya kutowasili mpaka sasa ni kutokana na changamoto hiyo ya usafiri wa anga
"Tumesha malizana na wachezaji wa nje, changamoto iliyopo ni anga kufungwa kwa baadhi ya nchi ambazo wachezaji wetu wanatoka. Tunatarajia kuanzia tarehe 15 wataanza kuingia nchini, kwa sasa tutaendelea kutambulisha wachezaji wa ndani ya nchi," alisema Injinia Hersi ambaye ndiye msimamizi mkuu wa michakato ya usajili kwa upande wa GSM ambao wanahusika na gharama za usajili msimu huu
Yanga inatarajiwa kuanza mazoezi siku ya Jumatatu, wakitarajia kuanza na wachezaji wa ndani
