Moshi mweupe unakaribia kufuka pale Makao Makuu ya klabu ya Yanga, Jangwani mabosi wa timu hiyo wakikaribia kuweka hadharani jina la mrithi wa Luc Eymael aliyekuwa kocha Mkuu wa Yanga ambaye alitimuliwa kutokana na makosa ya ubaguzi wa rangi
Kila Mwanayanga ametegea siku akisubiri ujio wa kocha huyo mpya atakayebeba matumaini yao kuelekea msimu ujao
Tayari TFF imeweka hadharani kuwa Septemba 06 msimu wa 2020/21 utaanza, jana Yanga ilitangaza kuwa timu itaanza mazoezi siku ya Jumatatu, August 10 2020
Majina ya makocha kama Hans van Pluijm, Patrick Aussems na hata Mwinyi Zahera yamekuwa yakizungumzwa sana
Lakini tangu juzi jina la kocha wa timu ya Taifa ya Tanzania 'Taifa Stars' Etienne Ndayiragije limechomoza zaidi taarifa za ndani zikibainisha kuwa huenda ndiye atakayepewa jukumu la kuiongoza Yanga
Nafasi ya kocha msaidizi bado jina la Meckie Mexime, kocha wa Kagera Sugar limeendelea kuchomoza
Bila shaka mwishoni mwa wiki hii kuelekea wiki ya Mwananchi, mambo yote ikiwemo kikosi kamili cha msimu ujao kitawekwa hadharani
Tusubiri..!
