Mabosi wa Yanga bado wako kwenye majadiliano na wakongwe Kelvin Yondani na Juma Abdul ikielezwa bado hakuna makubaliano yaliyofikiwa kuhusu kuwaongeza mikataba
Mapema wiki hii Yanga ilitangaza kuachana na wachezaji 14 na wakati huo ikifanya mazungumzo na wakongwe hao ili waongezwe mikataba
Wakati taarifa zikibainisha kuwa Yondani amegomea kusaini mkataba kutokana na masharti yaliyowekwa, nae Abdul amegomea ofa aliyopewa na mabingwa hao wa kihistoria
Katika mahojiano na chombo kimoja cha habari, Abdul amebainisha kuwa hajakubaliana na ofa aliyopewa
"Mimi nimewapa mapendekezo yangu, mkataba ninaotaka mimi ni wa mwaka mmoja tu ili nifanye kazi lakini kiukweli sikubaliani na ofa waliyoniwekea mezani," alisema Abdul
Uongozi wa Yanga bado unafanya jitihada kuwashawishi wachezaji hao waweze kusaini mikataba ili kuendelea kubaki Jangwani
