Mwenyekiti wa Kamati ya Katiba, Sheria na Hadhi za wachezaji ya Shirikisho la Mpira wa Miguu Tanzania (TFF) Elias Mwanjala, amesema uchunguzi wa kesi ya winga Bernard Morrison dhidi ya klabu ya Yanga umekamilika na maamuzi yake yatawekwa hadharani August 10 2020
Mwanjala amesema suala la Morrison na Yanga limechukua muda mrefu wakisubiri kukamilika kwa uchunguzi
Aidha, Mwanjala amesema kwa kuwa suala hilo lilikuwa likihusisha masuala yaliyohitaji uchunguzi wa kipolisi, waliliachia Jeshi la Polisi lifanye kazi yake
Morrison aliukana mkataba mpya wa Yanga akidai saini iliyo kwenye mkataba huo imeghushiwa
Yanga ilitangaza kumuongezea Morrison mkataba mpya wa miaka miwili mwezi March baada ya kuridhishwa na kiwango chake
Lakini pia Yanga iliwasilisha malalamiko TFF ikiituhumu klabu ya Simba kuingilia mkataba wa nyota huyo kinyume na utaratibu
Mwanjala amesema maamuzi ya kesi zote yatatolewa August 10 sambamba na kesi nyingine mbalimbali zilizowasilishwa mapema
