Ukitaka kujua wapi pana vuja subiri mvua inyeshe. Bila shaka usajili wa Zawadi Mauya unaonesha wazi Yanga wameshagundua wapi panavuja.
Nadhani wote tunakumbuka Tshishimbi aliwaambia mashabiki wa Yanga done deal kupitia video aliyokuwa na Hersi Saidi
Hersi Saidi baadae akatolea ufafanuzi kuwa Papy alikubali kusaini hivyo wanasubiria aje asaini
Taarifa za ndani zinathibitisha kuwa Papy alikubali kusaini kwa mshahara wa Tsh 8m na dola 70,000 kama ada ya usajili kwa miaka miwili
Papy alipaswa kwenda kusaini siku ya 7/7 lakini hakutokea bila kutoa sababu jambo ambalo lilizua taharuki
Baadae akaenda kwa viongozi wa Yanga na kuwaambia kuwa kiasi kile ni kidogo hivyo wamuongezee hela
Wakaamuuliza kwanini akasema Simba wamempa ofa ya Tsh 12m kwa mwezi pamoja na ada kubwa ya usajili
Viongozi wa Yanga wakakerwa sana na kauli ya Papy kuwaambia kuwa amepewa ofa na Simba.
Yanga wamegundua kuna wachezaji wanatumia mgongo wa Simba kuwataka kutikisa viberiti.
Hivi unajua? :- Papy ndiye aliyeomba sana mechi dhidi ya Simba acheze licha ya kuwa alikuwa na injury
Akasema anataka gari aina ya Subaru ambayo inathaminiwa kuwa Tsh 18. Injinia Hersi akamwambia asaini atampa Milion 6.5 kutoka mfukoni mwake ili aongezee anunue hilo gari
Bado Tshishimbi alisimamia uamuzi wake akitaka gari, 18m za nyongeza na mshahara wa Tsh 12m kwa mwezi na Dola 70k kama ada ya usajili
Najiuliza, Papy nahodha imekuwaje amekuwa msaliti? Kwanini amekengeuka? Kwanini anatumia mgongo wa Simba?
Papy ana injury ambayo huenda ikamweka nje sio chini ya miezi 4. Mwisho wa siku tamaa itamponza na atakosa vyote.
Umri unakwenda, bado anataka mshahara mkubwa, bado ana injury, anachokitaka atakipata. Mheshimiwa Makamba alisema heshima na tamaa havikai nyumba moja.
Makala imeandikwa na Mwanahabari, Mchambuzi wa soka @privaldinho
