Uongozi wa klabu ya Yanga umesema kuwa wamepokea maombi 62 ya nafasi ya kocha mkuu wa timu hiyo kurithi mikoba ya Luc Eymael aliyetimuliwa
Kaimu Katibu Mkuu wa mabingwa hao wa kihistoria Simon Patrick amesema watajipa muda wa kuyapitia maombi yote ili kuhakikisha wanafanya uamuzi sahihi kwa kuteua kocha atakayekuwa anafaa
"Hadi jana nimepokea maombi 62 ya makocha, lakini hatutakuwa na mihemko tutakuwa makini kutafuta kocha ambaye ataisaidia Yanga kwa ukubwa Timu yetu, na Ikumbukwe tunaenda kwenye mabadiliko, mwezi Ujao tunakamilisha stage ya kwanza na kuipeleka kwa Wanayanga ili wairidhie," amesema
Hata hivyo kutokana na ufinyu wa muda, Yanga italazimika kukamilisha mchakato huo haraka ili kumpa kocha mpya muda wa kukiandaa kikosi chake kwa ajili ya msimu ujao na hata michuano ya ligi ya mabingwa kama Yanga itapata tiketi hiyo, hatma yake ikisubiriwa kutoka Shirikisho la Mpira wa Miguu Barani Afrika (CAF)
