Yikpe akana kutaka Milioni 20 avunje mkataba Yanga

Mshambuliaji wa Yanga Yikpe Gnamien amezikana taarifa zilizoripotiwa na baadhi ya magazeti na kusambaa kwenye mitandao ya kijamii zikidai kuwa ameomba kitita cha Tsh Milioni 20 avunje mkataba na mabingwa hao wa kihistoria

Yikpe aliyetua Yanga usajili wa dirisha dogo, amesema hakuwahi kuzungumza jambo kama hilo mahali popote

"Sikuzungumza maneno hayo, ni vyema waandishi wa habari wakawa na uhakika wa taarifa wanazotoa," alisema

Yikpe alisaini mkataba wa miaka miwili hivyo bado ana takribani mwaka mmoja na nusu katika mkataba wake uliobaki

Pamoja na tetesi za kuachwa kuwa nyingi, uongozi wa Yanga utalazimika kumlipa sehemu ya mkataba wake kama wataamua kumuacha katika usajili wa dirisha kubwa ambalo linafunguliwa siku ya Jumamosi