Yanga imeelekea mkoani Morogoro bila ya kiungo Haruna Niyonzima ambaye kwa mujibu wa kocha Luc Eymael atakosa michezo yote miwili iliyobaki kutokana na majeraha yanayomsumbua
Niyonzima alipata majeraha kwenye mchezo wa ligi kuu dhidi ya Biashara United, alicheza mchezo dhidi ya Simba akiwa na majeraha
"Niyonzima hatacheza mechi zilizobaki, ameungana na Balama (Mapinduzi) ambaye yuko nje kwa wiki kadhaa. Pengine Shikhalo naye hatoweza kucheza pia kutokana na majeraha aliyopata mazoezini. Nadhani wachezaji hawa watajiunga nasi tutakapoanza maandalizi ya msimu mpya," amesema Eymael
Yanga inakabiliwa na mechi mbili ngumu za kukamilisha msimu kwani inakwenda ugenini kupambana na timu zilizo katika hatari ya kuteremka daraja
Wanaanza na Mtibwa Sugar keshokutwa Jumatano kisha kuelekea Iringa kuifuata Lipuli Fc kwa ajili ya mchezo wa kukamilisha msimu ambao utapigwa Jumapil ijayo
