Nchimbi atafika mbali - Chaima

Mlinda lango wa Singida United Owem Chaima ameeleza kumkubali mshambuliaji wa Yanga Ditram Nchimbi akiamini juhudi zake zitampa mafanikio siku moja

Tukio la Chaima kumuomba Nchimbi viatu baada ya mchezo kati ya Yanga dhidi ya Singida United uliopigwa mapema wiki hii, limekuwa maarufu sana kwenye mitandao ya kijamii

"Ni tukio la kuonyesha upendo tu. Nchimbi ni mchezaji ninayemkubali, anajituma sana, namuomba kheri siku moja atafanikiwa kwani uwezo wake ni mkubwa," alisema chaima

Katika mchezo huo ambao Yanga iliibuka na ushindi wa mabao 3-1, Nchimbi aliingia mwishoni mwa kipindi cha kwanza akichukua nafasi ya Raphael Daudi Lothi

Nchimbi anatarajiwa kuiongoza safu ya ushambuliaji ya Yanga leo kwenye mchezo dhidi ya Mwadui FC