Kikosi cha Yanga jioni ya leo kitashuka kwenye uwanja wa Taifa kuikabili Mwadui Fc katika mchezo wa ligi kuu ya Vodacom ambao utapigwa saa moja usiku
Mchezo huo ni wa mwisho kwa Yanga kucheza jijini Dar es salaam msimu huu
Wakiwa na mkakati wa kupigania nafasi ya pili, ushindi katika mchezo huo utaendelea kuweka hai matumaini hayo
Kocha Mkuu wa Yanga Luc Eymael amesema vijana wake wako tayari, akiwa na matumaini watafanya kile alichowaelekeza
Eymael amesema ni wachezaji wawili tu Haruna Niyonzima na Mapinduzi Balama ambao watakosa mchezo huo kutokana na majeraha
Lakini pia winga Bernard Morrison nae ameondolewa kikosini, licha ya taarifa kuwa ameuomba radhi kwa uongozi wa Yanga
Afisa Habari wa Yanga Hassan Bumbuli amewataka mashabiki wa timu hiyo kujitokeza kwa wingi uwanja wa Taifa kuiunga mkono timu yao katika mchezo huo wa mwisho kuishuhudia timu yao jijini Dar es salaam msimu huu
