Michuano ya Chalenji kuanza Disemba 03

Shirikisho la soka Afrika ya Mashariki na Kati (CECAFA) limerejesha michuano ya Chalenji ambayo mwaka huu itafanyika nchini Kenya kuanzia Disemba 03, 2017.

Michuano hiyo itashirikisha jumla ya mataifa 10, Libya na Zimbabwe yakiwa miongoni mwa mataifa yaliyoalikwa kwenye michuano hiyo.

Makundi

A
Kenya
Libya
Rwanda
Tanzania
Zanzibar

B
Uganda
Zimbabwe
Burundi
Ethiopia
Sudani Kusini

Bingwa wa michuano hiyo ataondoka na kitita cha Dola elfu 30 huku mshindi wa pili akipata Dola Elfu 20.

Kila timu itacheza michezo minne ambapo timu mbili kutoka kila kundi zitatinga nusu fainali.

Ratiba iliyotolewa na CECAFA leo inaonyesha Kilimanjaro Stars watakuwa wenyeji wa Libya katika mchezo wa ufunguzi Disemba 03 wakifuatiwa mchezo mwingine kati ya Kenya na Rwanda katika mashindano hayo yatayofika tamati Disemba 17.

Kili Stars itawavaa Zanzibar Desemba 7, siku ya sherehe ya Uhuru wa Tanzania Bara Desemba 9, kikosi cha kocha Salum Mayanga kitakuwa na kazi dhidi ya Rwanda na watamaliza mechi ya mwisho dhidi ya Kenya Desemba 11.

Mechi za kundi B zitaanza Desemba 4 kwa Burundi kuikabili Ethiopia wakati Uganda itaonyeshana kazi na Zimbabwe.

Aidha michuano hiyo ya Chalenji itaathiri ratiba ya ligi kuu ya Vodacom ambayo italazimika kusimama kwa wiki mili.