Heko nyingi anastahili kiungo Feisal Salum 'Fei Toto' ambaye kwa kiasi kikubwa jana alifanya kazi ya ziada kwenye mchezo dhidi ya Simba licha ya kufungwa mabao 4-1
Fei Toto alikuwa 'yatima' pale katikati ya dimba. Alifanya kazi kubwa ya kupambana na viungo wa Simba waliokuwa wametawala sehemu ya kiungo
Kwa muda mwingi, fundi Haruna Niyonzima na nahodha Papy Tshishimbi hawakuwa na mchezo mzuri pengine ni kutokana na majeraha waliyopata zadi Tshishimbi akirejeshwa dimbani kwenye mchezo huo baada ya kukosekana kwa takribani mwezi mzima
Huyu Fei Toto ni hazina ya Yanga, Wanayanga wanayo kila sababu ya kujivunia kiungo huyu
Ni yeye aliyefunga bao pekee la kufutia machozi tena kwa juhudi binafsi, akipiga shuti kutoka nje ya 18 lililomshinda mlinda lango wa Simba Aishi Manula
Kwa mchezo jana, Fei Toto ndiye aliyeonyesha utofauti miongoni mwa wachezaji wote wa Yanga, hongera kwake
