Jioni ya leo kikosi cha Yanga kitashuka kwenye uwanja wa Kaitaba Bukoba kuumana na Kagera Sugar katika mchezo wa ligi kuu ya Vodacom
Timu hizo zinakutana ikiwa ni wiki moja imepita baada ya kuchuana vikali kwenye mchezo wa robo fainali kombe la FA ambao ulipigwa jijini Dar es salaam na Yanga kutinga nusu fainali ya michuano hiyo kwa ushindi wa mabao 2-1
Winga mkongwe Mrisho Ngasa ndiye aliyekuwa chachu ya ushindi wa Yanga katika mchezo huo
Alimtengenezea nafasi David Molinga kuweka kambani bao la kusawazisha kabla ya kusababisha mkwaju wa penati uliowekwa kimiani na Deus Kaseke na kuihakikishia Ynga ushindi muhimu
Kuelekea mchezo wa leo, Ngasa amesema wachezaji wako tayari kuikabili Kagera Sugar katika mchezo ambao wanafahamu hautakuwa mwepesi
"Sisi tuko tayari, tunajua hautakuwa mchezo rahisi lakini tunawaambia mashabiki wetu, tutaendeleza pale tulipoishia kwenye mchezo uliopita hivyo waje kwa wingi uwanjani," alisema Ngasa
Ngasa amekuwa na mwendelezo mzuri tangu ligi iliporejea baada ya mapumziko na corona
