Kocha Mkuu wa Yanga Luc Eymael ameeleza kuvutiwa na kiwango cha mshambuliaji wake David Molinga 'Falcao' ambaye tangu ligi kurejea baada ya corona yuko 'on-fire' licha ya kuandamwa kuwa ameongezeka uzito
Eymael amefichua kuwa kwa sasa anamtegeme zaidi Molinga kwani ndiye anayefanya vizuri miongoni mwa washambuliaji wa kikosi chake
"Molinga kwa muda aliocheza amefanya vizuri kwangu na amenivutia ndio maana mpaka sasa bado yupo kwenye timu na amekuwa akitumika," amesema
"Washambuliaji wengine bado hawajaweza kunishawishi niwape nafasi ya mara kwa mara kwenye kikosi cha kwanza"
Tangu ligi kurejea baada ya mapumziko ya corona, Molinga ameweka kambani mabao matatu huku mchango wake ukionekana kwenye mechi zote ambazo alipewa nafasi ya kuanza kwenye kikosi cha kwanza
Anapewa nafasi kubwa ya kuongoza safu ya ushambuliaji kwenye mchezo dhidi ya Simba utakaopigwa Julai 12 kwenye uwanja wa Taifa
