Yanga yakamilisha maandalizi kabla ya safari ya Musoma

Kikosi cha Yanga leo kimefanya mazoezi ya mwisho kabla ya mchezo wao wa ligi kuu dhidi ya Biashara United ambao utapigwa keshokutwa Jumapili kwenye uwanja wa Karume huko Musoma

Mabingwa hao wa kihistoria wanaelekea Musoma wakiweka malengo ya kushinda mechi zao zote mbili ambazo zitapigwa mikoani kabla ya kuwakabili Simba Julai 12

Baada ya mchezo wa Biashara United, Yanga itaelekea mkoani Kagera kuikabili Kagera Sugar katika mchezo ambao utazikutanisha  timu hizo mara ya pili katika kipindi cha siku 10

Mapema wiki hii Yanga iliichapa Kagera Sugar mabao 2-1 kwenye mchezo wa robo fainali kombe la FA na kufanikiwa kutinga nusu fainali ya michuano hiyo